生活中，有些地方明明別具一格，卻始終寂寂無名，往往擦身而過，就不曾用心欣賞。

近來趁上班前的空檔，開始四處遊歷，皆因早上人流稀少，而且光線是側光，無論影人影景都比午飯時間好。本來說是往銅鑼灣Sogo前的路口拍攝。

關於此橋，實際上網上資料不多，似乎這個資料最接近事實：

圓形天橋圖則由署名 DCS Chung 嘅路政署職員繪畫，時為1982年7月。除咗繪圖，DCS Chung 亦闡明呢條天橋嘅設計考慮因素（Design Consideration），指出為咗讓呢個位於商業中心嘅交通要塞行車暢順，須建造一條天橋俾行人橫過繁忙嘅馬路，以策安全。

呢條天橋不單止要連繫怡和街、糖街同邊寧頓街，仲要通往怡和街上嘅電車站，再加上周圍高樓林立，空間有限，為免出現不規則嘅多邊形，有礙觀瞻，就採用環形設計。DCS Chung咁樣寫：　　

//This layout fit well with the road junction and is aesthetically pleasing. It is hoped that this footbridge will become an attractive feature in the area.（這個佈局跟該道路交界處相融，美觀宜人。期望這條行人天橋能成為區內受歡迎的景點。）//

兜兜轉轉搜集咗一堆資料，企鵝最想搵到嘅，其實就係圓形天橋設計師本尊。幾經波折，幸得鵝友神通廣大，介紹再介紹下，企鵝終於搵到 DCS Chung 本人！

DCS Chung 極為低調，唔方便上鏡受訪，但樂意回答企鵝嘅問題。以下企鵝姑且用「鍾先生」代稱 DCS Chung。

鍾先生喺1979年加入政府，任職土木工程師，現已轉投私人企業。鍾先生強調，任何政府工程都唔係個人力量可成就，而係團隊嘅努力，話當年接手跟進項目時，已收到指示要將天橋設計成環形，由佢負責落實呢個構思，具體地繪畫成施工圖則。

企鵝查資料時睇到，有人認為圓形天橋使用率低，係因為橋身過高、橋面過窄，批評圓形天橋比一般行人天橋要行多幾級，但又不足以應付人流。鍾先生就解釋，為顧及電車喺橋下通過，必須挑高橋身，保留足夠空間俾架空電纜；橋面雖然只有2.5米闊，但由於是環形，意味兩邊加起來有5米闊，按當時的評估能應付人流有餘。

對於有人嫌圓形天橋阻埞，鍾先生聽來有少少苦笑咁話：「留喺度都好吖，咁有時唔一定用到斑馬線嘛，有條橋都叫有多個選擇，留喺度都好吖。」

1985年8月22日《明報》、《華僑日報》同《南華早報》，各有一則短短幾十字嘅 caption story，報導圓形天橋嘅啟用。兩份中文報章雖然標題唔同，但相片、內文完全一樣，如下：

//本港首條環型有蓋行人天橋昨晨啟用。

天橋位於銅鑼灣一繁忙交界處之上，建築費為三百萬元，連接糖街、怡和街及邊寧頓街，為行人提供安全橫過馬路設施。天橋設計獨特，共有18對拱型支架，支承橋的上蓋，令外形更加美觀及特出。

有關工程並包括重修及擴闊怡和街、邊寧頓街及糖該部份路面，以改善該區的交通。整項工程建築費用為六百六十萬元，將於年底完竣。//

然而，Google最顯眼幾個搜尋結果甚至連落成時間都錯的：它們都指稱1963年，翻查YouTube，實際上七十年代的怡和街片段根本就沒有，而且就建築風格而言亦跟當時格格不入，犯下同樣錯誤，恐怕是以訛傳訛吧。

拍畢最大感觸是，明明如此優美的景物，卻連個像樣的紀錄甚至名字都沒有，只是默默聳立於市，日月如梭，人來人往，就是所謂大美不言吧。